ಶ್ರೀ ಮಾರ್ತಾಂಡ ಸ್ತೋತ್ರಂ - ಸೂರ್ಯ ಭಗವಾನ್ ಸ್ತೋತ್ರಗಳು

ಗಾಢಾಂಧಕಾರಹರಣಾಯ ಜಗದ್ಧಿತಾಯ
ಜ್ಯೋತಿರ್ಮಯಾಯ ಪರಮೇಶ್ವರಲೋಚನಾಯ ।
ಮಂದೇಹದೈತ್ಯಭುಜಗರ್ವವಿಭಂಜನಾಯ
ಸೂರ್ಯಾಯ ತೀವ್ರಕಿರಣಾಯ ನಮೋ ನಮಸ್ತೇ ॥ 1 ॥

ಛಾಯಾಪ್ರಿಯಾಯ ಮಣಿಕುಂಡಲಮಂಡಿತಾಯ
ಸುರೋತ್ತಮಾಯ ಸರಸೀರುಹಬಾಂಧವಾಯ ।
ಸೌವರ್ಣರತ್ನಮಕುಟಾಯ ವಿಕರ್ತನಾಯ
ಸೂರ್ಯಾಯ ತೀವ್ರಕಿರಣಾಯ ನಮೋ ನಮಸ್ತೇ ॥ 2 ॥

ಸಂಜ್ಞಾವಧೂಹೃದಯಪಂಕಜಷಟ್ಪದಾಯ
ಗೌರೀಶಪಂಕಜಭವಾಚ್ಯುತವಿಗ್ರಹಾಯ ।
ಲೋಕೇಕ್ಷಣಾಯ ತಪನಾಯ ದಿವಾಕರಾಯ
ಸೂರ್ಯಾಯ ತೀವ್ರಕಿರಣಾಯ ನಮೋ ನಮಸ್ತೇ ॥ 3 ॥

ಸಪ್ತಾಶ್ವಬದ್ಧಶಕಟಾಯ ಗ್ರಹಾಧಿಪಾಯ
ರಕ್ತಾಂಬರಾಯ ಶರಣಾಗತವತ್ಸಲಾಯ ।
ಜಾಂಬೂನದಾಂಬುಜಕರಾಯ ದಿನೇಶ್ವರಾಯ
ಸೂರ್ಯಾಯ ತೀವ್ರಕಿರಣಾಯ ನಮೋ ನಮಸ್ತೇ ॥ 4 ॥

ಆಮ್ನಾಯಭಾರಭರಣಾಯ ಜಲಪ್ರದಾಯ
ತೋಯಾಪಹಾಯ ಕರುಣಾಮೃತಸಾಗರಾಯ ।
ನಾರಾಯಣಾಯ ವಿವಿಧಾಮರವಂದಿತಾಯ
ಸೂರ್ಯಾಯ ತೀವ್ರಕಿರಣಾಯ ನಮೋ ನಮಸ್ತೇ ॥ 5 ॥

ಇತಿ ಶ್ರೀ ಮಾರ್ತಾಂಡ ಸ್ತೋತ್ರಮ್ ॥