দেবী মাহাত্ম্য়ং দুর্গা সপ্তশতি সপ্তমোঽধ্য়ায়ঃ - দেবী স্তোত্র

চংডমুংড বধো নাম সপ্তমোধ্য়ায়ঃ ॥

ধ্য়ানং
ধ্য়ায়েং রত্ন পীঠে শুককল পঠিতং শ্রুণ্বতীং শ্য়ামলাংগীং।
ন্যস্তৈকাংঘ্রিং সরোজে শশি শকল ধরাং বল্লকীং বাদ যংতীং
কহলারাবদ্ধ মালাং নিযমিত বিলসচ্চোলিকাং রক্ত বস্ত্রাং।
মাতংগীং শংখ পাত্রাং মধুর মধুমদাং চিত্রকোদ্ভাসি ভালাং।

ঋষিরুবাচ।

আজ্ঞপ্তাস্তে ততোদৈত্য়া-শ্চংডমুংডপুরোগমাঃ।
চতুরংগবলোপেতা যয়ুরভ্য়ুদ্যতায়ুধাঃ॥1॥

দদৃশুস্তে ততো দেবী-মীষদ্ধাসাং ব্যবস্থিতাম্।
সিংহস্য়োপরি শৈলেংদ্র-শৃংগে মহতিকাংচনে॥2॥

তেদৃষ্ট্বাতাংসমাদাতু-মুদ্যমংংচক্রুরুদ্যতাঃ
আকৃষ্টচাপাসিধরা-স্তথাঽন্য়ে তত্সমীপগাঃ॥3॥

ততঃ কোপং চকারোচ্চৈ-রংবিকা তানরীন্প্রতি।
কোপেন চাস্য়া বদনং মষীবর্ণমভূত্তদা॥4॥

ভ্রুকুটীকুটিলাত্তস্য়া ললাটফলকাদ্দ্রুতম্।
কালী করাল বদনা বিনিষ্ক্রাংতাঽসিপাশিনী ॥5॥

বিচিত্রখট্বাংগধরা নরমালাবিভূষণা।
দ্বীপিচর্মপরীধানা শুষ্কমাংসাঽতিভৈরবা॥6॥

অতিবিস্তারবদনা জিহ্বাললনভীষণা।
নিমগ্নারক্তনযনা নাদাপূরিতদিঙ্মুখা ॥6॥

সা বেগেনাঽভিপতিতা ঘূতয়ংতী মহাসুরান্।
সৈন্য়ে তত্র সুরারীণা-মভক্ষযত তদ্বলম্ ॥8॥

পার্ষ্ণিগ্রাহাংকুশগ্রাহি-য়োধঘংটাসমন্বিতান্।
সমাদায়ৈকহস্তেন মুখে চিক্ষেপ বারণান্ ॥9॥

তথৈব যোধং তুরগৈ রথং সারথিনা সহ।
নিক্ষিপ্য় বক্ত্রে দশনৈশ্চর্বযত্যতিভৈরবং ॥10॥

একং জগ্রাহ কেশেষু গ্রীবায়ামথ চাপরং।
পাদেনাক্রম্যচৈবান্যমুরসান্যমপোথযত্ ॥11॥

তৈর্মুক্তানিচ শস্ত্রাণি মহাস্ত্রাণি তথাসুরৈঃ।
মুখেন জগ্রাহ রুষা দশনৈর্মথিতান্যপি ॥12॥

বলিনাং তদ্বলং সর্বমসুরাণাং দুরাত্মনাং
মমর্দাভক্ষযচ্চান্য়ানন্য়াংশ্চাতাডযত্তথা ॥13॥

অসিনা নিহতাঃ কেচিত্কেচিত্খট্বাংগতাডিতাঃ।
জগ্মুর্বিনাশমসুরা দংতাগ্রাভিহতাস্তথা ॥14॥

ক্ষণেন তদ্ভলং সর্ব মসুরাণাং নিপাতিতং।
দৃষ্ট্বা চংডোঽভিদুদ্রাব তাং কালীমতিভীষণাং ॥15॥

শরবর্ষৈর্মহাভীমৈর্ভীমাক্ষীং তাং মহাসুরঃ।
ছাদয়ামাস চক্রৈশ্চ মুংডঃ ক্ষিপ্তৈঃ সহস্রশঃ ॥16॥

তানিচক্রাণ্যনেকানি বিশমানানি তন্মুখম্।
বভুর্যথার্কবিংবানি সুবহূনি ঘনোদরং ॥17॥

ততো জহাসাতিরুষা ভীমং ভৈরবনাদিনী।
কালী করালবদনা দুর্দর্শশনোজ্জ্বলা ॥18॥

উত্থায় চ মহাসিংহং দেবী চংডমধাবত।
গৃহীত্বা চাস্য় কেশেষু শিরস্তেনাসিনাচ্ছিনত্ ॥19॥

অথ মুংডোঽভ্যধাবত্তাং দৃষ্ট্বা চংডং নিপাতিতম্।
তমপ্যপাত যদ্ভমৌ সা খড্গাভিহতংরুষা ॥20॥

হতশেষং ততঃ সৈন্য়ং দৃষ্ট্বা চংডং নিপাতিতম্।
মুংডংচ সুমহাবীর্য়ং দিশো ভেজে ভয়াতুরম্ ॥21॥

শিরশ্চংডস্য় কালী চ গৃহীত্বা মুংড মেব চ।
প্রাহ প্রচংডাট্টহাসমিশ্রমভ্য়েত্য় চংডিকাম্ ॥22॥

ময়া তবা ত্রোপহৃতৌ চংডমুংডৌ মহাপশূ।
যুদ্ধযজ্ঞে স্বয়ং শুংভং নিশুংভং চহনিষ্যসি ॥23॥

ঋষিরুবাচ॥

তাবানীতৌ ততো দৃষ্ট্বা চংড মুংডৌ মহাসুরৌ।
উবাচ কালীং কল্য়াণী ললিতং চংডিকা বচঃ ॥24॥

যস্মাচ্চংডং চ মুংডং চ গৃহীত্বা ত্বমুপাগতা।
চামুংডেতি ততো লোকে খ্য়াতা দেবী ভবিষ্যসি ॥25॥

॥ জয় জয় শ্রী মার্কংডেয় পুরাণে সাবর্নিকে মন্বংতরে দেবি মহত্ম্য়ে চংডমুংড বধো নাম সপ্তমোধ্য়ায় সমাপ্তম্ ॥

আহুতি
ওং ক্লীং জয়ংতী সাংগায়ৈ সশক্তিকায়ৈ সপরিবারায়ৈ সবাহনায়ৈ কালী চামুংডা দেব্য়ৈ কর্পূর বীজাধিষ্ঠায়ৈ মহাহুতিং সমর্পয়ামি নমঃ স্বাহা ॥