অষ্টাবক্র গীতা সপ্তমোঽধ্য়ায়ঃ - কর্ম সিদ্ধান্ত

জনক উবাচ ॥

ময়্যনংতমহাংভোধৌ বিশ্বপোত ইতস্ততঃ ।
ভ্রমতি স্বাংতবাতেন ন মমাস্ত্যসহিষ্ণুতা ॥ 7-1॥

ময়্যনংতমহাংভোধৌ জগদ্বীচিঃ স্বভাবতঃ ।
উদেতু বাস্তমায়াতু ন মে বৃদ্ধির্ন চ ক্ষতিঃ ॥ 7-2॥

ময়্যনংতমহাংভোধৌ বিশ্বং নাম বিকল্পনা ।
অতিশাংতো নিরাকার এতদেবাহমাস্থিতঃ ॥ 7-3॥

নাত্মা ভাবেষু নো ভাবস্তত্রানংতে নিরংজনে ।
ইত্যসক্তোঽস্পৃহঃ শাংত এতদেবাহমাস্থিতঃ ॥ 7-4॥

অহো চিন্মাত্রমেবাহমিংদ্রজালোপমং জগত্ ।
ইতি মম কথং কুত্র হেয়োপাদেযকল্পনা ॥ 7-5॥